Çfarë mund të bëni përmes aplikacionit OneFor?
Transfere parash brenda aplikacionit OneFor - Ju mund të dërgoni apo pranoni para në çdo kohë, tek përdoruesit brenda Kosovës dhe në BE-së.
Transfere bankare - Pasi të regjistroheni në OneFor ju pajiseni me llogarinë evropiane IBAN. Kjo ju shërben për të dërguar apo pranuar para në çdo vend Evropian.
Mbush llogarinë OneFor - Ju mund të pranoni të ardhurat/rrogën tuaj direkt në llogarinë OneFor. Gjithashtu mund ta mbushni me para llogarinë OneFor përmes llogarisë tuaj bankare/transferit bankar.
Pagesa dhe tërheqje parash - Përmes kartelës virtuale të debitit Master apo kartelës fizike ju mund të blini apo paguani në çdo dyqan në mbarë Kosovën apo edhe të tërhiqni para nga bankomatët në çdo kohë.
Llogaria Junior - Ju mund të krijoni llogarinë OneFor edhe fëmijëve tuaj prej moshës 7-17 vjet. Fëmijët pajisen me kuletën digjitale dhe kartelën virtuale Mastercard.
Çka e bën të sigurt aplikacionin OneFor?
Informacioni në aplikacionin tonë është i koduar. Ne konfirmojmë se të gjitha informatat e dhëna nga ju për ne dhe në lidhje me ju janë konfidenciale dhe nuk do të ju zbulohen palëve të treta pa pëlqimin e juaj. Ne do të regjistrojmë dhe ruajmë të gjitha të dhënat në përputhje me kërkesat e akteve ligjore në fuqi dhe politikës së mbrojtjes së të dhënave.
Në përputhje me kërkesat ligjore ne do të ruajmë të dhënat e juaja pas përfundimit të kësaj marrëveshjeje. Ne mbledhim, përdorim dhe përpunojmë informata personale sipas politikës evropiane të mbrojtjes së të dhënave.
Ofroni mbështetje 24/7 për klientët?
OneFor ofron shërbimet e veta çdo ditë të javës, 24 orë në ditë. Ekipi ynë i mbështetjes për klientë është në dispozicion për të ju përgjigjur pyetjeve në çdo kohë.
✔ Përmes aplikacionit tonë;
✔ Duke dërguar e-mail (support@onefor.com)
✔ Me thirrje telefonike (+383 38 70 70 80)
A është me pagesë aplikacioni OneFor?
Jo. Regjistrimi dhe mirëmbajtja e llogarisë OneFor, përfshirë edhe eWallet/kartelën virtuale Mastercard është pa pagesë. Gjithashtu edhe transaksionet brenda përdoruesve të aplikacionit OneFor në Kosovë janë pa pagesë.
Si mund të dërgoj /kërkoj para nga një përdorues tjetër i OneFor?
Për të dërguar para duke përdorur aplikacionin, shkoni tek menyja (menu) dhe zgjidhni opsionin "dërgoni para". Futni të dhënat e pranuesit dhe konfirmoni transaksionin. Për të kërkuar fonde përmes aplikacionit, në listën tuaj të kontakteve zgjedhni personin nga i cili dëshironi të kërkoni para. Më pas, shkruani shumën që dëshironi të kërkoni dhe personi do të njoftohet automatikisht për kërkesën tuaj.
Sa kohë duhet për të përpunuar një transaksion?
Një transaksion i bërë në aplikacionin OneFor kërkon vetëm disa sekonda për tu realizuar dhe fondet i transferohen menjëherë pranuesit.
Ka shumë minimale dhe maksimale për transferimin e parave?
Ju mund të transferoni para pa një limit minimal. Megjithatë, shuma maksimale për transfertat ditore është 5000 euro. Nëse keni nevojë të transferoni më shumë se sa kjo shumë, mund të paraqisni një kërkesë për të rritur limitin. OneFor do të kërkojë informata mbështetëse dhe ndoshta dokumente për të miratuar kërkesën.
Cila është struktura e tarifore për dërgimin e parave tek ndonjë person?
Dërgimi dhe pranimi i parave brenda aplikacionit OneFor në Kosovë është pa pagesë. Nëse dërgoni para tek përdoruesi i OneFor në BE, do t'ju ngarkohet një tarifë prej 2.70 euro pavarësisht nga shuma e transferimit. Nëse dërgoni para në BE-së përmes rrjetit klasik bankar (SEPA), do të ju ngarkohet një tarifë prej 5 euro.
A mund të tërheq para nga bankomatët në Kosovë?
Po ju mund të tërhiqni para nga çdo bankomat në Kosovë. Tarifa për tërheqje pavarësisht vlerës është 1 Euro.
Si mund të porosis kartelën time të personalizuar të debitit?
Brenda aplikacionit OneFor shkoni tek eWallet dhe aty mund të porositni kartelën tuaj fizike Mastercard.
Merr aplikacionin OneFor
Skanoni kodin QR për të shkarkuar aplikacionin
-p-2000.png)
